مسائكم ورد بنوتاتي ومداماتي الحلوات،،
ح نحاول نشرح ع الكونتور والهايلايت ب ابسط الطرق مع صور وفيديوات توضيحه وتقدرو تبحثوا ع اليوتيوب ع فيديوات تعليميه للكونتور،،

– صور تعليمية لأماكن الكونتور والهايلايت 

• الكونتور والهايلايت: الكونتور= هو نحت وتنحيف ملامح الوجه وللعب بتغير ملامح الوجه معني الكونتور هو للون الغامق من كريم اساس او باودر الكونتور اللون البني اما الهايلايت=الاضاءه هو اللون الفاتح اما يجي ع بانانا او البيج يبرز ملامح الوجه اكثر بالنسبه للكونتور مش ضروري تشري كونتور جاهز  يعني تقدري اديري كونتور ب للون باودر اغمق من بشرتك ب3درجات والهايلات يكون كونسيلر افتح من بشرتك ب3درجات وتقدري اديري الكونتور با الايشادو=ظل يكون مات بمعني مطفي ولونه غامق درجات البني ع رصاصي تقدري تحددي بيه زي الي ف الصور بالزبط ع حسب شكل وجهك،،
• وفي الكونتور الجاهز ولما تبي تشريه هو اسمه كونتور يجي ب للون الغامق البني وللون الفاتح هو الهايلايت يا بانانا او بيج وفي الي يجي فالباكو كدا للون هدا للكوافيرات لان يستخدمو فيه لكدا لون بشره يعني للاستعمال الشخصي يكون للونين افضلك ويغنيك ع كل الالوان،،
• طريقة الاستخدام هو نحت او رسم خطوط ع االوجه بالكونتور للون البني الغامق للعيوب الي تبي تخفيها للوجه والهايلايت ديما يكون او الاسهل استخدامه هو ترسمي مثلت تحت العين كيف ما موضح ف الصور واديري الهايلات ف الاماكن الي تبي تبرزيها ف معالم وجهك وبعد ماتحددي تتدمجيها عادي بالفرشه الخاصه بالدمج الكونتور او اسفنجة مكياج للدمج اسهل للناس المبتدئه،،
• انواع الكونتور في الي يكون لكود وهو معناه كريمي وفي الي يكون باودر يعني جاف زي الباودر العادية انا انفضل للناس المبتدئه ف المكياج تستخدم الباودر اسهلها ف الدمج واقل ف التلبيز،،
  افضل ماركات الكونتور وطبعاً ف كدا ماركة منها ماك. انقلوت. كريولاين. ميكب فورايفر. كولستار. فلورمار. نيكس. انستازيا. فورايفر52. دابالم. ميبلين. فلورمار. برجوا وكدا ماركة ممتازه وزي ماقلتلكم مش شرط تتقيدو ضروري تاخدو كونتور جاهز عادي تقدرو اديروه ب الكونسيلر الي هو خافي العيوب او الايشادو=ظل للكونتور يكون للون غامق من البنيات ومطفي مايكونش فيه للمعه او تقدرو اديروه تاخدو زوز كريمات اساس اغمق من بشرتك ب3 درجات وافتح من بشرتك ب3 درجات لان بعدها لما يندمجو مع بعض يعطيك لون بشرتك الطبيعيه،،
• به هلبا يسئلوا فيا انديروه الكونتور فوق كريم الاساس او تحته اوكي ح نجاوب ع السؤال بكل بساطه واختصار الكونتور فيه قاعده ثابته ما اديريه تحت كريم الاساس بس ف ناس وحتي خبراء تجميل ف الي يكتفو بالكونتور والهايلات بدون استخدام كريم اساس لان الكونتور بطبيعته ثقيل وفي خبراء يستخدمو ف كريم اساس للوجه قبل الكونتور بس الكريم الاساس يكون نوعه خفيف زي بي بي كريم اخف شي وتخفي عيوب البشره يعني هاادي ع راحتك انتي انك تستخدمي كريم اساس تحت الكونتور او تستخدمي الكونتور بدون كريم اساس ع حسب الذوق،،
• اما بالنسبه لشني ينحط فوق الكونتور والهايلايت يعني بشني اثبتيه تستخدميله باودر يكون لوس باودر بمعني الباودر الحرة اخف شي هذا يفضله ولو ماعندكش عادي بالباودر العاديه اثبتيه بالفرشه مجرد طبطبه لتثبيت فقط ماتمسحيش بالاسفنجه امتاع الباودر ولكن يفضل الباودر الشفافه بدون لون باش يبرز الكونتور اكثر،،
• وين ايبيعو فيه اكيد ف محلات المكياج الكبيرة والمعروفه زي مورينا .انقلوت.توباكتس.اريج. اليمامه. كريولاين واسعاره ع حسب المحل وع حسب الماركة يعني يبدا من 25فما فوق،،
  وبس حبيباتي اتمني الافاده للجميع دومتم بود اوووهبكم امووواه..
  ـ فيديوات تعليميه لوضع الكونتور والهايلايت ودمجه بطريقه صحيحه