مسائكم ورد وفل وياسمين بنوتاتي ومداماتي الطرفونات؛؛
حبيبات قلبي اليوم بنقوللكم ع اسهل طريقه في اختيار الكريم الاساس المناسب لبشرتكم وتقدرو تختبروه ف الحوش؛؛
- الطريقة هو انك اتجيبي ورقة مذكره فاضيه نظيفه وتاخدي كريمتك امتاع الاساس حطي نقطه نفس الصوره الي ف البوست وخليها ساعه كامله وتشوفي كمية الزيت الي ح تبان ف الورقه من قدام ومن تالي لو طلعت زيت هلبا معناها مناسب للبشره الجافه اما لو ما طلعتش ولا نقطة زيت معناها مناسب الي بشرتها دهنيه ومختلطه بمعني كل ما كثرت نسبة الزيوت ف كريمة الاساس مناسب اكثر الي بشرتها جافه ولكن كل ماقلة نسبة الزيوت ف كريمة الاساس مناسب اكثر للبشره الدهنيه والمختلطه؛؛
- توا زي ماتشوفو ف الورقه الصفه الي فوق كريمات تناسب البشره الجافه الي طلعت نسبة زيوت منها كريمة ايف سان لوراين. لوريال ترو ماتش. نارز شير قلو. ريفيلون. ماك استديو فكس. بوبي براون سكن فاندوشين. بينفت. جورج ارماني؛؛؛
- اما الكريمات الي تناسب البشره الدهنيه والمختلطه والي ماطلعت ولا نقطة زيت منها استي لودر دبل وير. ديور ستار. ريميل ماتش. بي بي بوبي بروان؛؛
- بس خليكم من الماركات هادي لان في ماركات ذكرتها مش موجوده ف ليبيا بس الغايه من صوره هو تعليم كيف تعرفي كريمه تناسب بشرتك يعني تنفعكم ب الذات ف محلات الكبيره امتاع المكياج لو عندهم تستر تقدري تاخدي عينه معاك وتجربيها ف الحوش تشوفيها تناسب بشرتك او لا بعدها تقرري تشريها او لا؛؛
وبس سلامتكم وعافيتكم اتمني الافاده للجميع اووووووهبكم امووواه
