مساؤ فل بنوتاتي ومداماتي المزموزات؛؛
بوست هدا منتظراته مني اكثر من عضوه ومع اني شارحه اكثر من مره ع كيف تقدري تختاري كريم الاساس المناسب لبشرتكم ح نتكلم ب التفصيل والرجاء التركيز ب البوست لان الشرح بيكون ب التفصيل اقروه واحده واحده عليكم وح تفهموا كل شي.
اختيار كريم الاساس للبشره الدهنيه
كيف تختاري كريم الاساس لبشرتك الدهنيه ضروري اتكون متوفره الكلمات هادي ع علبة الكريم اي كانت ماركتها تكون مكتوب كلمات ع التبيتو او شيشة او حكة كريم الاساس للبشره الدهنيه لو القيتها معناها خوديها هي مناسبه لبشرتك الدهنيه وانتي مرتاحه والكلام ينطبق حتي ع الباودر نفس الشي.
والكلمات هادي هي:
ـ velvet الفلفيث يعني يكون سائل بعدين يتحول الي باودر
ـ oil free اويل فري يعني خالي من الزيوت
ـ matte المات يعني بدون لمعه مطفي وغالبا يكون الفونديشن فيه تغطيته من متوسطه الكامله
اختيار كريم اساس للبشره الجافه
كيف تختاري كريمتك وبودرتك ضروري اتكون متوفره فيها كلمات هادي ع كريم الاساس معناها تناسب بشرتك الجافه والكلمات هادي هي :
ـ dry skin دراي سكن معناها البشره الجافه
ـ dewy دوي معناه الفونديشن يعطي اشراقه واضاءه وترطيب للوجه زي الميه اتكون.
البشره المختلطه
قليل من ماركات الي تجي فيها نوعية كريم اساس او باودر للبشره المختلطه لان تقريبا يناسبها جميع انواع الفونديشن ولو كانت بشرتك مختلطه لدهنيه او لجافه تقدري تخلطي اتنين كريم اساس كريم اساس للبشره الجافه والدهينه او الاماكن الي فيها حرف تي اديريلها بيز او برايمر قبل ماتحطي كريم اساس وبودرتك.
البشره العاديه
من البشرات المحظووووظة واقل عيوب وتناسبها كل كريمات الاساس وانواعها.
كلمات الاساس
في كلمات اتكون ع كريم الاساس ضروري تعرفي معناها وتعرفي انتي شني تبي ب الزبط هي:
ـ full coverage فل كفرج معناها تغطية كامله جدا لكريم الاساس
ـ medium coverage ميديم كفرج معناها تغطية متوسطه لكريم الاساس
ـ light coverage لايت كفرج معناها تغطية خفيفه لكريم الاساس
ـ long lassting لونق لاستنق معناها ثباته عالي طول اليوم لكريم الاساس
ـ long wear لونق وير حتي هي معناها ثباته عالي طول اليوم لكريم الاساس
*والمعلومه هادي ضروري تعرفوها كويس لان من اسمها كريمة الاساس يعني الاساس ف المكياج انه يطلع الفنش امتاعه حلو وبدون اي تلبيز؛؛
وبس برنسيساتي اتمني الافاده للجميع دومتم متألقات اووهبكم اموووااه.
