لتفادي تشققات كريم الاساس

تشققات الفاونديشن

مسائكم معطر بذكرالرحمن بنوتاتي ومداماتي الطرفونات؛؛

حبيبات قلبي بوست اليوم ردا ع كدا سؤال انشوف فيه يا جود كريمة الاساس او البودره تتشقق وتخطط علاش شني السبب مع اني شارحه عليه فيما سبق ولكن ح نحط الاسباب ف نقاط توضح اكثر:-

231

  • بنقول ع نقطه مهمه ف كريم الاساس انه الي بشرتها صافيه مافيهاش عيوب ماتحطش كريم اساس تكتفي ب الكونسيلر=خافي والتغطيه الخفيفه يعني التغطيه القويه لصاحبات البشره الي تكون فيها عيوب وتصبغات حتي لو كانت عندك مناسبه يعني تغطية كريم الاساس يكون فل كفر للبشره الي فيها عيوب اما تغطية لايت كفر يكون للبشره الي خاليه من العيوب تماماً اما بالنسبه للاسباب هي:
  1. -اما استعملتي كريم اساس مش ماشي مع بشرتك يعني تكون بشرتك دهنيه واخدتيلها كريم اساس فيه نسبة زيوت وترطيب عاليه او تكون بشرتك جافه واخديتلها كريم اساس مافيشي ولا قطرة زيت ولا ترطيب وطبعاً انا شارحتلكم كيف تختبرو كريمة الاساس وتعرفوها مناسبه لبشرتكم موجود ف سلسلة الاساس؛؛
  2. انك حاطه طبقات من كريم الاساس ومش دامجاته كويس ف بيترتب عليه شكل كيكي يعني طبقات وتشققات ف كريم الاساس فلهذا ضروري تدمجو كويس كريم الاساس باش يتجانس تماماً مع بشرتكم؛؛
  • بعض الحلول للمشكله هادي انك تاخدي كريم االاساس وتخلطي معاها قطرات من زيت انقلوت وتدمجيها كويس ع وجهك ح يقعد كريم امتاعك ثابت وبدون مايخطط او يتشقق ع الوجه والحركه هادي مناسبه لجميع انواع البشره؛؛
  • او تاخدي بخاخ فكس بلس من ماك او اي منعش بشره من اي ماركة تعجبكم تبخيه ع وجهك قبل ماتبدي مكياج او ع الفرشه تدمجي بيه كريم الاساس وهذا يثبت الكريم ومايخليشي يخطط ولا يتشقق ؛؛
  • البشره الدهنيه او المختلطه ع طول تستخدم قبل كريم الاساس بيس او برايمر يثبت الاساس ومايخليش كريمتك تقلب ع رصاصي ولا يخطط ولا تفرز البشره زيوت؛؛
  • البشره الجافه ع طول كريم ترطيب تحت الاساس باش مايتشققش الكريم؛؛
    وبس دومتم بود اتمني الافادة للجميع اووووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!