بي بي كريم ماركة ايلفين

مسائكم ورد بنوتاتي ومداماتي المزموزات
حبيباتي هذا بوست خفيف ع بي بي كريم من ماركة ايلفين،،

226

  • نعطيكم نبذة مختصره ع بي بي كريم بمعني هذا الكريم ترطيب بس بلون خفيف وهو 8 في واحد حمايه من الشمس ترطيب توحيد لون ك تجميلاً يعني مناسب للصبح وينفع تحطوه كل يوم لان خفيف ع البشره وما يصكرش المسام يعني الناس الي تمكيج كل يوم وفي النهار ننصحهم يستعملوا بي بي كريم بالماركه الي تعجبهم ومرتاحين عليها لانها خفيفه ع البشره والفنش امتاعها طبيعي جداً بي بي كريم اول ما تحطيها بعد 10 دقايق تاخد لون البشره امتاعك مع تصحيح بسيط لعيوب البشره اذا كان عندك تصبغات؛؛ 
  • بالنسبه لبي بي كريم ماركة ايلفين بصدق وبكل امانه ما توقعت ابداً ابداً الفنش او حطتها بالروعه هادي انا جاني كولكشن من ماركة ايلفين هديه بس البي بي كريم رووووووعه ثابت واللون امتاعه حلووووو وما يخطط ولا يقلب ع رصاصي لان الي ف الصوره للبشره الدهنيه والمختطله والعاديه يعطي لوك او شكل مطفي تماماً لان نوعه مات مكتوب عليه فاست مات بيبي فيس يعني بسرعه يتحول لمطفي بعد دقائق لما تحطيه روووووعه ذكرني ب بفنش بي بي كريم من ماركة استيلودر هكي نفسه مطفي وما يزيت ع الوجه ومكتوب عليه لونق ستاي يعني يقعد ثابت طول الوقت فعلاً انا جربته قعد اكثر من 5ساعات ثابت روووعه ولآني منبهره بيه مش مصدقه نتيجه لانه ماتوقعت من ايلفين هكي؛؛
  • الي بشرتها دهنيه بزياده اتثبت اكثر ب باودر تضمن انه ما يزيت معاها لوقت اطول وع فكره الي عندها شوية اثر تقدر تحط من الكريم طبقتين بدون ما يصير تكتل لانه خفيف ويندمج بسرعه؛؛ 
  • الدرجه الي عندي اتوقع افتح درجه ع لون بشرتي اسمها لايت يعني لون فاتح و اول ماحطيتها دقايق وخدت لون البشره بالزبط بصدق رووووعه؛؛ 
  • الي بشرتها جافه جداً تستعمل بي بي كريم ماركة ميبلين حلوه ومناسبه ليها؛؛

هذا وكيل ايلفين ف طرابلس وبنقوللهم شكراً ع الهديه بس بالفعل الكولكشن حلو وعجبني حبيت انشاركم والاحلا انه اسعارهم مناسبه جداً وغير مستغله بتاتا وبس اتمني الافاده للجميع دومتم متألقات اااوهبكم امووواه.

(وكيل ايلفين)

وبس حبيباتي اتمني بوست خفيف مفيد ليكم وكالعاده اووووهبكم اموووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!