اختيار الاساس للبشره الدهنيه

سلسلة_كريم_الاساس

مسائكم خير وزها خاطر بنوتاتي ومداماتي الطرفونات؛؛

 حبيبات قلبي الي بشرتهم دهنيه ومختلطه اتجيني ف البوست هذا باش انكون مانسيت حد ايوا لا تفريق ف انواع البشرات،،

233

  • طبعاً كدا سؤال يجيني من عضواتي الي بشرتهم دهنيه او مختلطه لدهنيه يعانو من تعرق الوجه من افرازات الزيوت من عدم ثبات المكياج من قلب لون كريم الاساس او الباودر بعد مرور ساعات ع وضعه ومن للون الباهت للمكياج وهادي كل التساؤلات حلها واضح وصريح وهو؛؛
  • بنوتاتي ومداماتي بنشرحلكم بكل سهوله انه الي بشرتها دهنيه او مختلطه لدهنيه هي تهتم ب بشرتها ع طول عن طريق التنظيف والسكراب بس بدون الافراط فيه زي ماشرحتلكم ف عناية البشره يعني ديما خودها قاعده الحاجه تزيد عن حدها تنقلب ضدها ف كل شي بس بنتكلم ب خصوص المكياج للبشره الدهنيه او المختلطه للدهنيه ضروري تاخدي المكياج مخصص للبشره الدهنيه وخاصةً كريم الاساس والباودر يكون اويل فري خالي من الزيوت وانا شرحت عليها فيما سبق ف سلسلة كريم الاساس الحاجه التانيه تعرفي كيف تتعاملي مع بشرتك لما بتحطي مكياجك بمعني البشره الدهنيه او المختلطه للدهنيه ع طول عكس الجافه تبي حاجه تساعد ف تقليل افرازات الزيوت ف البشره ع طول تبي الحاجه الي تطفي لمعة المزيته ف البشره كيف انديرو هكي؛؛
  • حلها ب البرايمر او البيس معناه ب المختصر البيس او البرايمر يسكر المسام الواسعه يقلل من افرازات زيوت البشره ويخلي بشرة الوجه ملمس مخملي يعني لما تحطي كريمتك يعطها ملمس حلو ولون واحد للبشره هو من اسمه بيس يعني اساس الشي خاصةً ف المناسبات ضروري ليكم لان يتبث المكياج ومستحيل يخلي كريمتك تخطط او تسيح طول الوقت مهما تعرقي او ترقصي تجنحي طيري يقعد المكياج ف مكانه ومستحيل يقلب لون كريم الاساس فلهذا نصيحتي للببشره الدهنيه او المختلطه للدهنيه هي البيس او البرايمر قبل المكياج؛؛الي ما يمكيجوش مش لازمهم ابداً يكتفو ب كريم ترطيب نهاري لو طلعو ف الصبح؛؛
    ماركات البيس او البرايمر ف كدا ماركة ممتازه جداً منها
    بينفيت. اربن ديكاي. كريولاين. كولستار. نيكس. ماك. فورايفر. انقلوت. استي لودر. نيكس. قوش وكدا ماركة حلوه بس هادم افضلهم،،
  • بنوضح نقطه ب النسبه الي يشتغلو ف النهار ف بيس و واقي ف نفس الوقت 2ف1 موجود عند انقلوت يعني وظيفته يقلل الزيوت ويسكر المسام وحماية من الشمس ف نفس الوقت،،
  • نقطه تانيه طريقة استعماله للبشره الدهنيه يستعمل اول شي ف المكياج ع كامل الوجه؛؛
  • للبشره المختلطه   للدهنيه يستعمل ع الاماكن الي تفرز ف الزيوت اغلبها منطقة الزون حرف T والباقي الوجه لا تستعملي كريم ترطيب عادي؛؛ 
  • اما الي بشرتها مختلطه لجافه يعني بدل منطقة الزون تطلعها زيوت هي عندها حرف T جفاف حرف التي معناه منطقة الانف والجبهه ف هاذي تستخدم بدل البيس كريم ترطيب مكثف باش مايتقشر معاها كريم الاساس او الفكس بلس من ماك او اي بخاخ ترطيب زي لاروشيه بوسي او آفين رائع،،
  • وطبعاً ف مثبتات مكياج يجي ع شكل بخاخ ويستعمل بعد ما تكملي مكياج ب النسبه للبشره الدهنيه ترشي رشتين من بعيد ع مكياجك واستنيه يجف وبعدين انشالله تنقبي السقف ولله ماهو متحرك المكياج من مكانه لو تحرك بعدين تفاهمي معاي بالنسبه لافضل اسبراي مثبت مكياج عندك ماك. ميكب فورايفر. اربن ديكاي. نيكس. انقلوت. كريولاين وكدا ماركة حلوه،،

وبس سلامتكم وعافيتكم اوووهبكم امووواه…

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!