مساؤ ورد بنوتاتي ومداماتي الطرفونات؛؛
حبيبات قلبي بوست يهم الي بشرتهم جافه يجوني هنا ويسمعوني كويس ويوتو اوذانهم لان ح نحاول نفهمكم ب ابسط من البساطه،،
- كدا عضوه اتقولي بشرتي جافه شني كريم الترطيب الي نستخدمه قبل المكياج او شني الحل باش الكريم او البودره ماتتقشرش او تخطط او لما نحط بودره تولي قشور قشور ع وجهي به بنقوللهم يا حلوات اهم شي الترطيب وعامل اساسي هو شرب الميه ب استمرار اقل شي يوميا من 2/3 لتر تشربيهم هذا حلك الاساسي مع جفاف البشره والقضاء عليه نهائيا تاني شي الترطيب المستمر ع طول وتكلمت عليه ف عناية البشره وثالت شي هو تاخدي الي يناسب بشرتك من مكياج او منتجات ك كريمات عنايه او غسولات لـ دراي سكن يعني للبشره الجافه وتكلمت عليه ب التفصيل ف نفس سلسلة كريم الاساس به بنجو شني افضل كريمات الترطيب تحت المكياج للبشره الجافه؛؛
- طبعاً كريمات الترطيب ف كدا ماركة ممتازه منها جونسون النهاري ترطيبها رهيب تحت المكياج نيفيا النهاري ترطيبها قوي تحت المكياج بوندس، بودب شوب، كلارنس، كلينك، لوريال. فيشي. كيوفي،، وكدا ماركة ممتازة ترطيبها حلو تحت المكياج بس
- ضروري تفرقو معني كلمة كريم نهاري يعني فيها نسبة واقي شمس وعادي تستعمل ف النهار اما لو كانت كريم عادي بدون واقي شمس معناها ممنوع اديريها وتطلعي بيها الشمس تحرقلك بشرتك حرق لان زي الماركات الي ذكرتها من ضمنها جونسون ونيفيا في منها العاديه وف منها النهاريه 15% جونسون حمايتها ونيفيا30%،،
- اما الحاجه التانيه الي ننصح بيها البشره الجافه هي بخاخ الانتعاش للبشره والثبيت زي فكس بلس من ماك زي بخاخ نيكس زي بودي شوب او سيفر او لاروشيه او انقلوت او آفين لو مش متوفر حتي مية الورد تأدي نفس الغرض هادم كلهم ممتازات وظيفتهم يرطبو البشره قبل المكياج وينعشوها ولو تبي تبخي بيها فرشة مكياج وتدمجي الكريم تآكدي بشرتك مستحيل تتقشر او يتغير لون الكريم ننصح بيهم هلبا اكيد تلقوها ماركة سيفر ولاروشيه آفين ف الصيدليات.
وبس سلامتكم وعافيتكم اووووهبكم امووواه
