مسائكم فل بنوتاتي ومداماتي الحلوات،،
الستيت هذا جاوبي للعضوات الي سئلو شني يستعملو الفنانات لشعرهم تكون فيه لمعه ف شعرهم بنقوللهم:
- اول شي الفنانات الي تشوفو فيهم كلهم ع بعضهم يركبو ف اكستنشن ضروري منها الزياده مش يعطي فوليم للشعر ولون حلو لان مرات تلقيها ماتصبغ ف شعرها ولكن تصبغ ف الاكستيشن كيف ماتبي وكيف مايعجبها ماتبيش اتسبب ضرر لشعرها هادي حاجه،،
- الحاجه التانيه العنايه بالشعر زيها زي البشره ضروري عنايه داخليه وخارجيه يعني ضروري ناخدو فيتامينات مقويه وبخاخ مقوي لتعبية فراغات الشعر في كبسولات و حقن لتقوية الشعر ومسكات الطبيعيه تبي استمرار افضل شي ف مسكات الطبيعيه هي ثومة الذكر ممتازه لتعبية فراغات الشعر تقدرو تخلطوها بزيت الزيتون او جوز الهند المقدار ع حسب رغبتك وحتي الزبده العربيه ممتازه لحل مشكلة التقصف وتنعم وتعطي لمعه للشعر استعمال اي ماسك للشعر ساعه قبل الدوش،،
- انجو لشرح الصور وطريقة الاستعمال؛؛
زيت او بخاخ يكون بلون يعطي لمعه للشعر بعد الاستشوار او ف التسريحه طبعاً الي ف صوره زيت لمعه للجسم وللشعر ماركة نوكس رهيب رهيب وريحته تجنن ع الجسم ع الشعر و ماركة نوكس ماركة فرنسيه اعشاب معروفه بجد ننصح بيه ك لمعه للجسم او للشعر؛؛ - اما الاسبراي ماركة ابوبا زي الميش وقوي لونه هلبا لمعته ع ايدي صورتها والاسبراي يستعمل للشعر فقط؛؛
- اما الكريم هو موس برونز يستعمل للشعر وللجسم وللوجه ف الصيف رهيب رهيب وريحته حلوه وهادم كلهم تقدري تستعمليهم بعد الاستشوار او ف تسريحه؛؛
- طبعاً انا شاريتهم من برا ولكن البخاخ الميش واخداته من ليبيا ف محل ف نادي الاتحاد امتاع مكياج اسمه 2003
زيت ارغان مكتوب عليه اويل ارغان جاي زي الاسبراي رهيب رهيب هذا يعطي لمعه صحيه للشعر اتجنن - وريحته حلوه ويخلي شعرك زي المبلول تستعمليه بعد الدوش بس يعطيك كيرلي خفيف للشعر ويعطي لمعه للشعر خطيره وحتي لو تبي تستعميله بعد الاستشوار حلو يعطي ثبات ولمعه للشعر وطبعاً رشه رشتين منه ماتكثرو منه هلبا الي شعرها دهني ماتكثرش تبخ منه بس ننصحكم اتجربو خديته من محل ف نادي الاتحاد اسمه 2003 تحت الاقواس قبل النادي سعره تقريباً15،،
- لوريال ايلفيف بديل الزيت هذا الحب كله حالياً عندي رهيب رهيب وريحته خيال وليه عدة استعمالات منها اما تستخدميه ك ماسك للشعر ساعه قبل الدوش وتغسلي او ف الدوش تستعمليه ك بلسم للشعر وتغسلي او بعد الدوش قبل الاستشوار تاخدي ع طرف صوابعه تدهني الاطراف بيه يعطي لمعه حلوه يخفف من تقصف الشعر ونعومه الرهيبه بجد يرايت اتجربوه مش ح تندمو ابداً لان هو 3ف واحد وهو تركيبته بزيت الارغان،،
- سيروم من ماركة لوريال هذا تستخدميه بعد الاستشوار مانعاً لرطوبة الشعر وتنتوشات الشعر الي بعد الاستشوار السيروم معناه اخف من الزيت وملمسه زي الميه مش زيتي وانا انفضله هلبا السيروم لان طبيعة شعرتي ناعمه وبسرعه ماتزيت ف سيروم حلو بعد الاستشوار،،
- بنقول ع حاجه استخدام البلسم الصحيحه من اي ماركة اي نوع تكون ع اطراف الشعر ما تحطوشي ع كامل الشعر من بداية الجذور للنهايه هذا غلط ويسبب ف تساقط للشعر انا عن نفسي ما نستخدمش ف بلسم لان طبيعة شعرتي ناعمه دهنيه ف البلسم يسببلي تساقط اكثر اما الي شعرتهم جافه عادي يستعملو ويفيدهم هلبا،،
وبس ان شاء الله فدتكم بمعلومه ؛؛؛ دومتم بود حبيباتي اوووهبكم امووواه
