صباحو ورد وزها خاطر عضواتي الي انموت فيهم
حيباتي ح نقوللكم ع فكره كيف نخفو الشيب او فراغات الشعر من مقدمة الرآس ونعطوهم ايحاء كآنه الشعر من قدام معبي يعني اخفاء تجميلي مش علاجي لو عندك مناسبه او عندك طلعه اديريها بدون ما تعبي شعرك ع طول ب الصبغه خاصةً الناس الي عندهم الشيب ف القُصه ح تساعدهم هلبا اخفاء الشيب ب المكياج؛؛

ـ ح نشرح ب المنتج الي ف الصوره طبعاً انا واخداتهم لحبيبة قلبي والدتي الكريمه:

1. رقم واحد هذا مشط فيه زي الشمعه او الواكس بلون يعني تمشط بيه شعرك وخاصةً الي عندها شيب ح يخفيه تماماً وع فكره هو ثابت ما يتحول الا لما تغسلي شعرك وطبعاً فيه درجات الوان ع حسب كل لون شعر انا خديته من سبنس ف مول العرب بس ف ليبيا الي تعرف مكان يبعو فيه الحاجات هادي يرايت اتقول ف التعليقات اتفيد البنات بجد حل مؤقت وممتاز لاخفاء الشيب الصراحه الصبغه ب استمرار تهلك الشعر وتزيد الشيب اكثر فلهذا يرايت تاخدو الحاجات هادي افضل ومايسبب اي ضرر للشعر مجرد تلوين الشعر بشكل وقتي؛؛
2. مسكرة الشعر حتي هي حل وقتي لاخفاء الشيب ممتازه وتقعد معاك لين تغسلي شعرك ب الشامبو يعني ثابته وفي منها درجات الوان كل واحده تاخد ع لون شعرها حتي هي خديتها من سبنس مول العرب وانا مرات نستعمل فيها للحواجب نخنب فيها منها هههه زي الواحد جايب حاجه وعينه فيها،،
3. بودرة او شعيرات خفيفه نظامه زي الملاحه امتاع الفلفل والملح وهذا ممتاز جداً يخفي الشيب وحتي الي عندهم فراغات الشعر من قدام خاصةً لو بتقيمي شعرك فوق تقدري تحددي لاين او حد الشعر من مقدمة الرآس وثابت جداً ما يتحول ولا يلبز ايدك لين تغسلي شعرك ينزل مع الميه خديته من محل اليمامه باب غشير وين مافي محلات الجمله امتاع المكياج تقريبا ب10دينار ليا وقت واخداته وفي درجات الوان تقريباً4درجات ممتاز جداً وننصح بيه الي تبي تغطي فراغات الشعر او تغطي الشيب؛؛
4. الحل الاخير الي ماعندها لا مسكره لا بودرة خودي اي ظل يكون مطفي بدون لمعه نفس لون جذور شعرك وتاخدي فرشة الاسنان تكون نظيفه او فرشة مسكره قديمه عندك وتحطيها ف الظل تعبي اللون كله ع الفرشه وتمشي بيها ع جذور شعرك او ع اماكن الي فيهم شيب الناس الي عندها فراغ ادمجي الظل ع الفراغات شعرك.
   

وبس حبيباتي اتمني معلومه مفيده للجميع دومتم بود اوووهبكم اموووواه