مسائكم طيب عضواتي الكرام حبيبات صمصومة قلبي من جوا؛؛
عضواتي الكرام البوست هذا خص نص للكيراتين وللناس الي عاندتني فيما سبق ع التقرير السابق وطبعاً بعد الكلام هذا اي واحده بتجي تاخد رآئي ادير كيراتين ح ننقزلها من الفيس ونبرك عليها ههههه تخايلت روحي درتها اللقطه،،

• عموما التقرير هذا من مؤتمر رابطة أطباء الجلد الامريكيه؛؛ سيداتي وسادتي نقدم لكم المنتج الاكثر تحسس والي تسبب حساسيه ودمار شامل لسنة 2015تم التصويت عليه وفاز منتج الكيراتين يعني الماده الآسواء لهذا العام وكان اكثر حالات تحسس منه ف امريكا هو الكيراتين يا سيداتي الكرام؛؛
• ايوا مش تزيدو تفرحو وتقولو بنديرو كيراتين حبيباتي مافيش كيراتين ف العالم خالي من مادة “الفورمالديهايد” سواء كان كيراتين برازيلي او غيره او كان ماركة عالميه او لا مستحيل يخلا من الماده هاذي وكل الي مكتوب عليه زيرو “فورمالديهايد”هادو شركات تجاريه ادير ف ملصقات لغرض التجاره المربحه فقط لاغير يعني كل انواع الكيراتين فيه نسبه من ها الماده المسرطنه عفانا لله واياكم او فيه مواد ب الحراره تتحول لمركب مشابه “للفورمالديهايد” وهذا للقب اعطوه رابطة اطباء جلد متخصصين ف امريكا وح ينزل قرار بمنعه ف اسواق امريكا لان مضر للشعر؛؛
• يعني حتي لو ماشوفتي نتيجه ف وقتها ولكن بعد وقت من استعمالك ليه شوفي شعرك والصوره خير برهان ف الاول يا سلام عليه بعدين بشويه بشويه من تقصف لجفاف لتساقط رهيب نصيحه لله ارجوكم ماعاد تحطوه ع شعركم واي مزينه اتقوللكم انا عندي كيراتين خالي من ماده المسرطنه هادي كذابه ف نص وجهها لان هادي معلومه موثوق منها وبعد تحاليل واختبارات ع مر سنوات وشهادة دكاترة متخصصه ف المجال هذا فلهذا ابتعدو عليه تماماً؛؛
• بديل الكيراتين اما البروتين او البوتكس وهو غير مضر للشعر غير الكيراتين،،
  

وبس ان شاءالله انكون وصلت المعلومه اتمني الافاده للجميع دومتم بخير وسلامه عزيزات قلبي اوووهبكم اموووواه