صباحو ورد واعشاب مفيده عضواتي الحلوات
حبيباتي بوست هذا مفيد للكل الناس الي تعاني من فراغات الشعر من مقدمة الرآس والي تعاني من الشيب والي تعاني من التساقط الشعر والي تعاني من القشره التونر هذا مفيد لشعرها وح يفيدها مليون ف الميه وعن تجربه طبعاً ممتااااااااز جداً؛؛

• الوصفه ساهله جداً لتونر للشعر فايدة التونر هذا انه تستعمليه يومياً بدون ماشعرك يدهن ب العكس ح زيد يكثفه ويمنع التساقط ويطول الشعر عباره عن 3اعشاب مغليه ومفيده جداً للشعر هي:-
• (الزعتر.اكليل الجبل.المرميه) تغليهم مع بعض ف براد الشاهي وتصفيها تخليها تبرد وصبيها ف شيشة بخاخ فاضي وحطيها ف الثلاجه تستعمليها يومياً مره واحده ف اليوم تبخي بيها شعرك الفارغات وجذور الشعر من قدام للخلف وبعد ما تبخي شعرك كله تقلبي راسك تحت وادلكي فروة الشعر مساج باش يخش التونك كويس ف جذور ومسام الشعر؛؛مش شرط اتكون خضراء انا غليتهم هما ورق مجفف فائده واحده يعني ما تحيرو ارواحكم،،
• ح نقوللكم فوائد الاعشاب هادي ب اختصار:-

1. الزعتر: منشط ممتاز لفروة الرآس ويحفز نمو الشعر بسرعه كبيره لان يحتوي ع زيوت طيارة تحفز بصيلات الشعر تشجعها اكثر ع انتاج الشعر ويعالج التساقط والقشره.
2. اكليل الجبل:رهيب عجيب انا قبل كنت نستخدم في الزيت امتاعه نخلط فيه مع خل التفاح وندهن بيه شعري مرتين ف الاسبوع ولله يا بنات التساقط ح يخف من رابع استعمال والقشره تختفي ويعطي لمعه حلوه للشعر الصراحه عن تجربه فعلاً ممتاز,, عشبة اكليل الجبل فوائدها لا تحصي يوقف التساقط الي يكون ناتج من التوتر والضغظ العصبي ويطول الشعر ف مده قصيره ويعطر الشعر لان ريحته حلوه وحتي هو يغمق للون الشيب ف الشعر زي المرميه؛؛
3. الميراميه: طبعاً العشبه هادي موجوده منذو الازل فوائدها للشعر معروف وعلاج طبيعي للشيب وفعال جداً وكل خبراء الاعشاب القدامه والجدد يوصو ع الميراميه لعلاج الشيب ترجع لون الشعر الطبيعي وتنشط فروة الشعر؛؛

وبس حبيباتي اتمني الافاده للجميع دومتم بود