‏تونر قابض للمسام

مسائكم ورد وزها خاطر بنوتاتي مداماتي ياقطعة مني
حبيباتي البوست خفيف  مفيد للبشره وخاصةً ف صهد الكوجينه والغاز ينعش بشرتكم ويعطيها فايده ممتازه وفيتامين طبيعي من الخضروات،،

278

  • انا نستعمل في تونر الي هو قابض يعني منظف للبشره ويصغر من المسام ويخفف من تهيج الحبوب والتحسس يعطيكم نظاره طبيعيه ومكوناته كل بيت متوفره فيه،،
  • “خياره+كوسه” زي ما تشوفو ف الصوره بعد ما قشرتهم وقصيتهم حطيتهم ف ست البيت صبيت عليهم ميه حاجه بسيطه و رحيتهم ع الاخر لان نبيهم سائل بعدين صفيت عصير الخيار والكوسه وزي ما تشوفو صبيته ف صونيه وغطست فيه قطن المدور امتاع المكياج بعدين جبت كيسة لحم وحطيت كل 2قطن مع بعض ولفيتهم وطبعاً ع طول ف الفريز،،
  • عصير الخيار والكوسه مممممتاز جداً لتخفيف الانتفاخ تحت العين والهالات مهدئ للبشره وكله فيتامينات طبيعيه بدون اي خوف مناسب لجميع انواع البشره مافيش اي مشاكل،،
  • طريقة الاستعمال ك المعتاد يكون وجهك مغسول نظيف تاخدي ف اليوم 2قطن بعصير الخيار والكوسه وتحطيهم تحت الرموش التحتيه 15/20دقيقه ولو تبي ديري كمادات لكل وجهك مافيش اي مشكله بعد ما تكملي استني شوي واغسلي وجهك بميه فقط انا ع نفسي اندير فيهم ف لليل قبل النوم وما نغسلش فيه بالميه نحط ف كريم مرطب ونرقد بس انتم اختارو الي يعجبكم والي ترتاحو عليه،،
  • بالنسبه لمكعبات الثلج والبخاخ هو مغلي “الشاهي الاخضر” مع شويه “مية ورد” يعني خديت براد شاهي وشوية شاهي اخضر صبيت مية ورد مع ميه عاديه وعادي غليته ع النار غليه واحده وطفيت عليه برد من السخونه بعدين صبيته ف مكعبات الثلج امتاع الفريز وحطيت عود اسنان بيش كل مكعب نقدر نجبده بسهوله بعد مايجمد ونمرره ع وجهي وصبيت منه ف بخاخ حطيته ف الثلاجه؛؛
  • طريقه الاستعمال ك المعتاد بالنسبه لمكعبات الثلج تستعملوا مكعب واحد كل يوم اما البخاخ عادي كل ما تحسي بوجهك حراره وجاف بخي منه ف اي وقت تبيه عن نفسي اندير ف البخاخ بعدين نمسح وجهك بقطنه وما نغسلاش تاني بس انتم لو تبو تغسلوا بعد ما ديرو بخاخ براحتكم وفايدته الشاهي الاخضر لاتعد ولا تحصي لجمال البشره منزله بوست فيما سبق شرحت فيه مفصل ع فوائده طبعاً هو مناسب للبشره الدهنيه والمختلطه قابض ليهم اكثر ولكن انا بشرتي عاديه نستعمل فيه مافيش اي مشكله؛؛
  • البشره الجافه تقدرو اديرو مية الورد مع قطرات زيت جلسرين للترطيب ممتاز ليكم،،

وبس عزيزاتي اتمني الافاده للجميع دومتم بخير وصحه وك العاده اوووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!