وداعا لتلصيق البشره وتزيتها؛؛
السلام عليكم بنوتاتي ومداماتي المزموزات حبيبات قلبي بنحكيلكم ع تجربتي مع واقي شمس ماركة ڤيشي زي ما وعدتكم؛؛
- واقي شمس من ڤيشي مناسب لجميع البشرات اسمه (كابيتل سوليل) ومناسب اكثر للبشره الدهنيه والمختلطه بس يمشي مع جميع البشرات لان المفروض حتي البشره الجافه والعاديه تاخد واقي يكون خالي من الزيوت باش ما ينسد المسام والواقي هذا مناسب ليهم ممممممتاز جداً جربته امس وقعد معاي اكثر من 6/7 ساعات ما زيت وجهي ولا قلب اللون تآكسد رصاصي ولا شي بتاتاً فضييييييع بصدق ننصحكم بيه وبقوه تاخدو منه الناس الي تقرآ وتشتغل او تمشي للبحر تبي واقي كويس وما يزيت ولا يتلصق ولا يتعسل خودو هذا من ڤيشي روووعه لانه ضد التعرق وهي ماركة فرنسيه طبيه تعتبر اسعارها متوسطه اقل من الماركات الغاليه زي كلينك وكلارنس ونتيجه رووووعه؛؛
- طبعاً هو حماية مزدوجه UVA/UVB يعني حمايه فيزيائيه وكيميائيه ممتاز جداً يحافظ ع البشره ويحميها من عوامل المضره الخارجيه واشعة الشمس خاصةً الجو يا لطيف الطف بينا شمس عموديه الواقي هذا مناسب جداً للبشره لان ميزته خالي تماماً من الزيوت و اول ما تدهني بيه دقيقتين ويتلاشآ تماماً يتبخر ولا كآنك حاطه شي لإنه قوامه مائي رهيب رهيب فكرني بواقي كلينك نفس الشي؛؛
- وهو مش مكتوب عليه مدة الحمايه امتاعه معناها كل ساعتين تجددو دهن بس للامانه امس انا درته ومن اول ما حطيته ما حسيتش انه نبي ندهن تاني لان قعد ثابت ف مكانه لان زي ماقلت ضد التعرق وما زيت او عطاني شعور التلصيق والتعسيل فلهذا ما دهنتش تاني من اول ما طلعت لين روحت ف مكانه ثابت والاهم انه ماقلب اللون رصاصي او سود الوجه بس لو تبو تدهنو كل ساعتين اوكي مافيش مانع,,
- والواقي الي عندي هذا شفاف ما فيه لون ولكن قالولي الوكاله انه عندهم نوع تاني بلون خفيف نفس نظام BB كريم يعني الناس الي تبي واقي ولون خفيف ع بشرتها تقدر تاخد النوع التاني وتتعامل معاه نفس البي بي كريم بالزبط؛؛
- هذا رابط صفحة وكيل ڤيشي في ليبيا
(وكيل صفحة فيشي)
- اماكن البيع في طرابلس فيه الصيدليات التاليه:
ـ العالمين
ـ المنشيه
ـ التوافق
ـ النوفليين المركزيه
ـ قرقارش المركزيه
ـ ميزران المركزيه
ـ صبدليه الشعب
ـ سان جيمس
ـ ديرما لايف كلينك
ـ صيدليه زمزم
ـ الحرمين
ـ صيدليه الشريف
ـ صيدليه سبأ
ـ صيدليه هيلانا
ـ بالنسبه لبنغازي شركه الهنوف ورقم تليفونهم هو 0928401531
وبس حبيباتي بوست خفيف اكيد ح يفيدكم ف الصيف والشمس المشرقه دومتم متآلقات واكيد ك العاده اوووهبكم امووواه
