فوائد ‏زيت جوزالهند العضوي للشعر والبشره

معرض الصور
1 صور
فوائد ‏زيت جوزالهند العضوي للشعر والبشره
274

مسائكم نشاط بنوتاتي ومداماتي الحلوات

275حبيباتي بنقوللكم معني زيت جوز الهند العضوي يعني الطبيعي صافي بيور بدون اي اضافات من مواد حافظه او كيميائيه او المعطره ويكون صالح للاكل يعني تقدرو اطيبو بيه زي زيت الزيتون او زيت الذره لانه طبيعي وفوائده لا تعد ولا تحصي للجسم وللبشره وللشعر نتائجه خرافيه ف تطويل الشعر وكثافة واكبر دليل ع كلامي شعر الهنود والباكستان يستعملو ف زيت الهند الطبيعي المصنع ف البيت ولكن ف شركات اتبيع فيه بيور حطتلكم كداً صوره للزيت جوز الهند العضوي ف صورة البوست ولكن نعرف مش ح تلقوه ف ليبيا ممكن توصو عليه حد من برا يجبلكم او تصنعوه بروحكم ف البيت او اتشوفو الاسواق الكبيره ممكن تلقو عندهم زيت جوزالهند الطبيعي امتاع الاكل؛؛

  • ولكن في نوع متوفر في عطريات ليبيا زيت النارجيل نفس الصوره تلقوه ف العطريات وزيت جوز الهند العضوي يكون لونه شفاف وريحته خفيفه مش قويه ولما يجمد يولي زي السمن ابيض,,
  • ح نعطيكم نبذه ع تركيبة جوز الهند الطبيعي يحتوي ع نسبه عاليه من فيتامين والأحماض الدهنية زي حمض اللوريك وحمض الميرستيك وحمض الكابريك وغيرها من الأحماض التي تعمل كمضادات للفطريات ومضادات للبكتيريا ومضادات للأكسدة؛؛
  • فوائد جوز الهند للشعر وللبشره وللجسم:
    ـ طبعاً فوائده لا تحصي ولا تعد من ناحية الجسم يساعد ف تجديد الخلايا ويقوي مناعة الجسم و ع امتصاص الكاليسوم والمغنزيوم وهذا يفيد تقوية العظام ب الرغم انه زيت بدهون مشبعه ولكن ما يسبب السمنه لان الدهون هادي ترفع مستوي الايض ف الجسم؛؛
    ـ من ناحية البشره مفيد جداً ف ترطيبها لان غني ب الاحماض الدهنيه ومضادات الاكسده ومناسب لجميع انواع البشره يهديها ويعالج حالات الاكزيما ومختلف التهابات الجلد زي الصدفيه وغيرها يعالج تصبغات البشره زي النمش والبقع ف الوجه مع الاستمرار عليه؛؛
    ـ من ناحية الشعر ممتاز ف تطويله وتنعيمه وكثافته يعطي لمعه رهيبه وخلال شهر واحد اتشوفي الفرق وطول الشعر بشكل ملحوظ مع الاستمرار عليه يقوي جذور الشعر ويساعد اكثر ف تطويلها ويعالج حكة الشعر والقشره لانه مضاد للاكسده؛؛
  • طرق استعماله هي هلبا منها:
  1. تقدري تستعمليه كمرطب يومي للبشره قبل النوم لان خالي من مواد البتروليه يعني ما يسبب اي انسداد ف المسام وامن جداً ع البشره يعالج تجاعيد والهالات السوداء تحت العين ويفتح البشره يوحد لونها مع الاستمرار عليه ويعالج تشققات الشفايف ؛؛
  2. تقدري تستعمليه ك بديل لمزيل مكياج العيون طبيعي خالي من اي مواد كيميائيه وغير مسبب للحساسيه لانه هو مقوي للرموش والحواجب لإحتوائه ع فيتامين
  3. تقدري اطيبي بيه ف اكلك لتحسين نسبة كوليسترول الدم وصحي جداً لان حتي الي يتبعو ف نظام غدائي مفيد ليهم مايزيدش الوزن يساعد ف عملية الهضم اسرع ومفيد للمرآه المرضعه يزيد الحليب اكثر للبيبي؛؛
  4. تقدري اترطبي بيه جسمك ب الكامل خاصة الايدين والرجلين الي يكون فيهم جفاف يرطبها والناس الي عندها اكزيما يعالجها تماماً ومقوي ممتاز للاظافر؛؛
  5. تقدري تستعمليه لتبيض الاسنان طبيعياً تاخدي شويه بفرشة اسنان زيت جوزهند طبيعي وتغسلي سنونك يبيضهم ويعالج للثه الملتهبه والي ديما تصب ف دم لان معقم ممتاز للفم؛؛
  6. وطبعاً مفيد جداً للشعر ك ماسك اسبوعي انك تدهني بيه فروة شعرك واقلبي راسك تحت لمدة 4دقايق ادلكي فروة رآسك كويس يتغلل فيه الزيت اقعدي بيه ساعتين قبل الدوش واستمري ب طريقه هادي مرتين ف الاسبوع ح تشوفي شعرك كيف يولي النعومه واللمعان والكثافه والطول الرهيب خلال شهر واحد تشوفي نتيجه خياليه؛؛
    وتقدري تدهني بيه يومي ع اطراف شعرك بعد الدوش بديل الزيوت والكريمات التجاريه يقضي ع التقصف والهيجان ونفخه الي تصير للشعر من الرطوبه يعني ممتاز جداً جداً زيت جوزالهند العضوي ومشكور من جميع انحاء العالم اغلبهم الاجانب يستخدمو فيه لان نتائج رهيبه وحقيقه ف وقت قصير جداً؛؛
  • هذا فيديو يعلمكم صنع زيت جوز الهند ف البيت 

وبس حبيباتي درتلكم بوست مفصل ع زيت جوز الهند العضوي وفوائده اتمني الافاده للجميع دومتم بود حبيبات قلبي امووووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!