كيف حالكم اليوم برنسيساتي العزيزات ع قلبي اليوم بنقولكم طريقه لغسل الوجه والمحافظه ع نظارته وحيوته؛؛
حبيباتي هي طريقتي حالياً معتمده ف غسل وجهي وتنظيفه وبطرق ساهله جداً وح نحطلكم فيديو ل بولقر كوريه وطبعاً مانحكيلكم ع بشرتها الصراحه نفس نوع بشرتي ب الزبط الحمدالله؛؛
- اول شي لما نوض الصبح نمسح كريم المرطب الي امدايراته ف لليل بمية الورد بعدها نمشي نغسل وجهي الفتره هادي انا شادتها ع الغسول الوردي من نيتروجينا لان انحس ف بشرتي محتاجه لغسول ينعش البشره وفعلاً الغسول هذا ينعنش البشره بشكل رهيب تحسي بشرتك مصقعه شعور ينعنش لانه غسول ب القريب فروت بعدها ناخد ف فرشة احمر خدود زي الي ف الصوره اي فرشه ماتبوش تستعملوها للمكياج امتاع احمر خدود خلوها لغسل وجهكم نحط الغسول ع كف ايدي ونبل الفرشه ب الميه وناخد بيها الغسول وندلك وجهي بحركه دائريه طبعاً الفرشه اتنظف اكثر المسام والزيوت الي ع الوجه وبدون ماتسبب ضرر للوجه لان الفرشه ناعمه وتقدري تستعمليها كل يوم عادي عكس ماكينة امتاع التنظيف مره ف الاسبوع او كل 15يوم لانها خشنه شوي؛؛
- مانغسل وجهي شني اندير هنا سر الاشراق والنظاره ماتمسحيش وجهك ب الفوطه ولا تمسحي وجهك ابداً خليه مببلول وحطي اي كريم مرطب تستعملي فيه وادلكي وجهك وخليه يجف اتشوفو الوجه كيف يولي مشرق وصحي ونتيجه روعه انا الطريقه هادي نستعمل فيها قبل المكياج نمرر ثلجة مية ورد وشاهي اخضر ونحط المرطب امتاعي و وجهي مببلول عادي بدون مانمسحه قسم ب الله لمعه مش طبيعيه بكل واشراق وحيويه تشع من بشرتي جربوها ومش ح تندمو ابداً؛؛
- وهذا رابط الفيديو يوضح معني كلامي ف البوست؛؛ سر الحصول على بشرة صافية وناعمة مثل بشرة الأطفال
وبس حبيبات قلبي دومتم بود اااووووهبكم امووواه
