مسائكم ورد اخر لليل بنوتاتي ومداماتي المزموزات
حبيبات قلبي بنقوللكم طريقة سحب لون الشعر ب أسلم وأآمن طريقه هي بفيتامين سي وشامبو ومافيها اي ضرر ع الشعر بتاتاً؛؛
- بس حبيبات البوست ح يكون سحب اللون الشعر المصبوغ بالصبغه لو كنتي امدايره حنه مش ح تفيدك لان الحنه نبات طبيعي صعب جداً تنسحب بساحب لون لانها تلصق ف الشعر لصق عكس الصبغه مواد كيميائيه تنسحب بسحب للون ولان فيتامين سي احماض يتفاعل مع الصبغه ويسحبها يرجع لون شعرك الطبيعي ما يفتحش للون يعني يسحب لون الصبغه يرجعه لطبيعته ولو كانت طبيعة شعرتك لونها اسود بنقولك ديري روحك ماشوفتي البوست الله غالب الي شعركم اسود ارضو ب الامر الواقع حبيباتي ما عندكم امل هههههههه بس انحس ف روحي متشمته درت ضحكه شريره ولكن ب العكس اللون الاسود سيد الالوان و ارقاهم وافخمهم راهو مش حكاية نرفع ف معنوياتكم بس بصدق الي لون شعرها اسود طبيعي حرام تفسده بإيده وتخش ع السحب والتفتيح لان ح تتدمر شعرتك ومش ح يطلع عليك اي لون تاني خاصةً لو كان نقشك ع الاسود وحواجبك سود انسي الفواتح من بالك وع فكره من مشاهير العالم ما يستغنوا ع اللون الاسود حتي لو يغيرو يرجعوله من ضمنهم كيم كيردشيان صبغت بلاتيني وماطلع عليها حلو رجعت للون الاسود؛؛
- الطريقه ساهله جدا اول شي تبخي شعرك بالميه تبليه كآنك بتقصي شعركً و تاخدي فيتامين سي اي نوع واي ماركة متوفر ف الصيدليات فيتامين سي الفوار زي الي ف الصوره طبعاً الكميه تبدا من 5 حبات وكل ما كان شعرك طويل وكثيف اتزيدي الكميه ع حسب احتياجك تاخدي حبوب فيتامين سي تحطيهم ف كيس تهرسيهم زي ف الصوره وبعدها جيبي صونيه تحطي فيها الحبوب وكاشيك كبير شامبو امتاعك بيتفاعل الفيتامين بيدير رغوه معاك زي الصوره وطبعاً ف حالة شعرك طويل بتزيدي كمية الشامبو ع حسب احتياجك تدهني شعرك كله ماتخلي ولا خصله وتقعدي من 50 دقيقه الي ساعه وبعدها تخشي تغسلي شعرك مش لازم اديري شامبو تاني لان اساساً انتي امدايره شامبو مع الفيتامين بس لو تبي تستعملي بلسم لشعرك مافي مشكله ع اطراف الشعر ديري بلسم لان فيتامين بسببلك خشونه حاجه بسيطه لان احماض وبعد الدوش استعملي زيت مرطب زي زيت جوزالهند ع اطراف الشعر او بديل الزيت من لوريال؛؛
- كم مره اديريها ف الاسبوع مره واحده فقط واستمري عليها لين ينسحب لون الصبغه من شعرك تدريجيا استعملي الطريقه اسبوعياً لين تشوفي نتيجه نهائيه وينسحب للون بالكامل يرجع لون شعرك طبيعي.
وبس حبيباتي اتمني الافاده للجميع اووووهبكم هاتو بوستات كثيرات اموووواه
