طرق للتعرف ع نوع بشرتك والاهتمام بيها

مسائكم ف بنوتاتي ومداماتي الحلوات,,
عضواتي الجميلات في هلبا يسئلو كيف نعرفو نوع بشرتنا وكيف نهتمو فيها ؟؟

273

  • ف البداية مهم جداً انك تعرفي نوع بشرتك ليكون اختيارك صحيح للمنتجات والعناية.
  • كيف تعرفي نوع بشرتك بطريقه بسيطه جداً؟؟؟
  • اغسلي وجهك كويس ب الميه وجففيه وبعد ساعة كاملة جيبي.
  • كلينكس- واضغطي على الجبهة والخدين والانف والذقن عندك 4 احتمالات؛؛
  • كان شفتي ب الاماكن الاربعة اللي ضغطتي عليها دهون بشرتك دهنية.
  • كان شفتي دهون في بعض المناطق بشرتك مختلطة.
  • لو ماشفتي ع بشرتك اي آثار دهنية بشرتك عادية.
  • كان شفتي على بشرتك قشور بشرتك جافة.
    توا بعد ماعرفتي نوع بشرتك نجو للاهتمام كل نوع بشرة تحتاج اهتمام خاص مثلاً البشرة الدهنية تحتاج انك تغسليها مرتين ب يوم والبشرة الجافة ضروري ترطبي ف لليل بمرطب يكون ثقيل مرهم ؛؛
  • شني المنتجات الضروريه الي تكون عندك هي غسول+تونر+مزيل ميكب مناسب لبشرتك وطبعاً انا شرحت ع كل شي ف ـ سلسلة العنايه بالبشره.
  • الغسول : لكل بشرة غسول معين وخاص بيها و استخدمي الغسول المناسب لنوع بشرتك اذا كانت بشرتك دهنية خودي غسول يكون خالي من الزيوت اذا كانت جافه خودي غسول فيه نسبة ترطيب اما اذا كانت حساسه تاخدي غسول خالي من العطر والريحه والكحول وديما الي تكون بشرتها جافه اغلبيتها اتكون حساسه؛؛
  • انجو مابعد الغسول هو التونر؛؛ مهمة التونر يساعد ع تصكير المسام وتقليل ظهور الحبوب ف الوجه واجمل تونر طبيعي هو مية الورد انا ع طول ننصح بيها ك تونر للبشره وماننصحش ب تونر التجاري ابداً ابداً لان يجفف البشره ويسببلها بهتان فلهذا مية الورد غير مضره ابداً للبشره وتقلل المسام وتنعشها وع طول خليها ف ثلاجه بخي منها وهي مصقعه ممتازه للبشره ولو مية الورد هيجتلك بشرتك وحسستها خففيها ب الميه العاديه لان معناها تركيزها عالي؛؛
  • ونجو لأ هم شي اللي هو الترطيب؛؛ انا ع طول انقول ونبه ع الترطيب ثم الترطيب هو سر جمال البشره وديما اذكرو:
    ـ الترطيب= بشره بيضاء ونقيه ومنعشه
    ـ الاهمال ف الترطيب= بشره سمراء وجافه وباهته” وع طول اختاري المرطب المناسب لبشرتك؛؛
  • نصائح بسيطة
  1. لازم يكون عندك روتين لبشرتك وذكرته واللي هو غسول + تونر او تونيك+ ترطيب
  2. ماترقديش بمكياجك ابداً انتي هكي تعدمي ف بشرتك استخدمي مزيل المكياج وبعدها تغسلي وجهك.
  3. قشري بشرتك مره ف الاسبوع لو بشرتك دهنيه ولو بشرتك جافة او حساسة مره كل 10/15يوم وتقدرو تستخدمو المقشرات الطبيعيه او المتعودين عليها.
  4. الميه ثم الميه ثم الميه هي سر جمال البشرة مهما يكون ف بشرتك مشاكل كان تشربي ف الميه هلبا تشوفي نظاره والحيويه ف بشرتك ع طول.
  5. خصصي يوم ف الاسبوع عنايه كامله ب بشرتك زي تقشير وبعده مسكات طبيعيه تنعش البشره.
  6. ضروري تحمي بشرتك من الشمس و تحطي واقي
  7. اغسلي فرش المكياج امتاعك بأستمرار لان عدم غسلها تتراكم عليها البكتريا وتسبب لبشرتك ظهور الحبوب
    وكان طلعتلك حبة فجاءة ردي بالك تمسيها لان تخلي أثر ف وجهك وتقدري تتخلصي منها عن طريق زيت الشاي من بودي شوب او معجون الاسنان تحطيه ع مكان الحبه تاني يوم تلقيها نشفت وتتقشر بروحها.
  8. لو عندك مشاكل ف بشرتك (هالات -حب شباب -آثار-كلف ) عالجيها سواء بعلاج طبي او بماسك طبيعي بس الحاجه الطبيعيه تبي استمرار ومداومه مش اتبانلك النتيجه.

دومتم بود حبيباتي اتمني الافاده للجميع اوووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!