تقشير الشفايف وترطيبها

معرض الصور
2 صور
تقشير الشفايف وترطيبها
261

تقشير الشفايف وترطيبها
263

بنوتاتي ومداماتي الحلوات بنعطيكم معلومه ع جمال الشفايف لان شوفت السؤال تكرر اكثر من مره ف الكومنتات هو شفايف يتقشرو لما تحطي روج يكون مات يعني مطفي ومع اني شارحه عليه بس ح نوضحلكم اكثر؛؛

262

  • اول شي الي زيني تحب الارواج المات اي المطفيه ويكون قوامها كيكي او ستك شويه يعني ثقيل ع الشفايف لان ثابت روج المات يعطل معاك ضروري ضروري قبل ما تحطيه ع شفايفك اتكون ناعمه ومرطبه كويس كويس مش ما يديرش طبقة القشور المزعجه الي شكلها مقزز شوي؛؛
  • انا نستخدم ف سكرب او مقشير بيتي طبيعي امدايراته بروحي هو عباره عن فازلين وسكر وقطرة زيت اللوز الحلو وكبسولة فيتامين e خلطته كويس  وانقشر بيه ف شفايفي ع طول يعني 3 ايام ف الاسبوع انقشر ف شفايفي وبعده ع طول انحط مرطب بدي شوب او فازلين وح يختفو القشور والاسوداد من الشفايف لان الطبقه الميته من القشور تسبب اسوداد الشفايف ف ع طول قشرو ورطبو ف لليل قبل النوم ح تشوفو نعومة ونظارة شفايفكم ح يولي لونهم وردي مع الترطيب المستمر؛؛
  • به قبل ماتحلطي اي روج يكون مات يعني مطفي وثقيل ضروري تحطي قبله مرطب شفايف مش مايشققش معاك الروج او يديرلك طبقة القشور ح يعطيك نتيجه روعه لما يكون تحت مرطب طبقه رقيقه جداً ويكون الترطيب ف منتصف الشفايف لان اكثر شي القشور يبانو غادي ويبدا شكله مزعج؛؛
  • الي بتسئلني ع احسن ماركة للارواج وفيها جميع الدرجات ويكون مات مطفي عن تجربتي بنقوللها ماك. ميكب فورايفر. ريفيلون. فلورمار. انقلوت. نيكس. فورايفر52. كركتر. ميبلين،، هادوم كلهم جربتهم وقشرو معاي بعد ساعات ولكن الماركة المفضله عندي ف ارواج المات هي برجوااااااا رهيبه رهيبه خاصة برجوا الاخيرات الي هما فليفت الوانهم تحفه ثباتهم حلو ومايقشروش ولا يجففو الشفايف قوامهم كريمي ف الاول بعدين يقلب الروج مات بجد حبيتهم والمفضلات عندي الوقت الحالي؛؛

وبس سلامتكم وعافيتكم اووووهبكم اموووووا

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!