ﺻﺒﺎﺣﻮ ﻓﻞ ﻭﺭﺩ ﻭﻳﺎﺳﻤﻴﻦ ﻉ ﺍﺣﻼ بنوتات ومدامات ﻑ ﺍﻟﺪﻧﻴﺎ
ﺣﺒﻴﺒﺎﺗﻲ ﺍﻟﺒﻮﺳﺖ ﺡ ﻳﻜﻮﻥ ﻟﻜﺪﺍ ﻭﺻﻔﻪ ﻟﻠﻜﻠﻒ ﻭﺍﻟﺘﺼﺒﻐﺎﺕ ﺍﻟﺠﻠﺪﻳﻪ  ﺍﻥ ﺷﺎﺀ الله ﺗﻔﻴﺪﻛﻢ؛؛

1. ماسك لعلاج الكلف المتوسط الي يجي من ضربات الشمس:
   خودي 2كواشيك كبار زيت سمسم+ 2كواشيك كبار دقيق العادي+ 2كواشيك كبار نشآ مع بياض البيض خلطيهم وحطيهم ع وجهك نص ساعه واغسلي؛؛ اديريه 3مرات ف الاسبوع الاول ومرتين ف الاسبوع التاني ومره واحده الاسبوع الثالث وهكذا استمري لين يجيب معاك نتيجه او لين تحسي بتحسن؛؛؛
2. ماسك لعلاج الكلف العميق او تصبغات البشره زي النمش:
   خودي حليب الباكو سائل اي نوع حليب+ كاشيك كبير نشآ+ كاشيك صغير خميرة البيره وخلطيهم مع الحليب لين تحسها ولت متماسكه شوي يعني الحليب مقداره بعينك وبعدين حطي القناع ع وجهك نص ساعه واغسلي؛؛ديريه 3مرات ف الاسبوع؛؛
3. ماسك الترمس الي يقولو عليه خبراء التجميل “سيد الاقنعه” لان ممتاز ف تصفية البشره ويخفف من البقع الداكنه وتصبغات البشره:
   تاخدي طاسه ترمس مر مطحون موجود ف كل العطريات وبعدها تنقعيه الترمس ف مية ورد او ميه عاديه يعني تحطيه لمدة ساعه او ساعتين يتنقع ف مية الورد او الميه العاديه بعدين اطبخيه بميتة فوق النار لين يشد ويتماسك معاك يولي خاثر شويه وادهني بيه وجهك يومياً ربع ساعه واغسلي لمدة 5اسابيع ح تشوفي التصبغات والكلف كيف يبدا يخف معاك بس استمري عليه يومياً هو لا فيه علم ولاذره ساهل؛؛
4. ماسك لتبيض وتفتيح البشره ومن اروع الاقنعه مع الاستمرار اتشوفي فرق كبير ف بشرتك و وجهك:
   تاخدي قشور الموز مش يابسات رطبات +بطاطه مطبوخه+نص ليمة عصر بقشرتها +زبادي طبيعي بعدها تخلطي كل المكونات ف الخلاط وتدهني وجهك و رقبتك مدة 15دقيقه واغسلي وجهك تستعمليه من مره لمرتين ف الاسبوع؛

• افضل شي قبل ما تحطي اي ماسك ع وجهك تاخدي فوطه انظيفه واتبيلها كلها ب الميه السخونه تخليها شوي وحطيها ع وجهك تفتح المسام وبعدها حطي القناع امتاعك مباشرة علاش الحركه هادي تفتح المسام وتخلي الماسك يتداخل ف البشره يعطيها نتيجه اسرع وافضل ملاحظة صغيرونه اي ماسك تلقو فيه حمضيات يعني ليمون جربوه قبل ع جزء صغير من الوجه ف حالة مافيش تحسس استمرو ف حالة في تحسس الغو لليمون من القناع،،
• وكل الاقنعه الي ذكرتها تقدرو تستعملوها حتي الي ماعندهم تصبغات بس اختاري واحد منهم ويكون مره ف الاسبوع ؛؛
  

وبس حبيباتي دومتم بصحه وسعاده ع طول اوهبكم امووووواه