مسائكم ورد بنوتاتي ومداماتي,,

الوصفه هادي بنحكيلكم قصتها ومن تجربة خالتي المسكينه الي ربي ياخد الحق فيه (اوباجي) النصاب هلكلها بشرتها وحرقهالها حرق وسببلها زي الكلف وفوق هدا كله خدا مبلغ وقدره يصرفه ف دواء يارب وهدا الي ننصحه ومايسمعش بنصيحتي هكي يصيرله ع العموم القناع هدا يا عضواتنا الكرااااام مممممممممتاز جدا جدا جدا واستمرو عليه حتي يوميا عادي مافيش اي مشكله ولله خالتي وجهها كان محروق توا الحمدالله شني جاب لجاب بدا يرجع بشويه وتحسن هلبا ،وع فكرة انا مرة مرة نستعمل فيه واندير مرات ف بدل النشأ حليب بودرة.

ـ ماسك لعلاج حبوب الشباب والكلف و آثارها :”الوصفه الاولى من تجربة خالتي”؛؛ 

المكونات:

• 3 كواشيك كبار من ماء الورد.
• طاسة شاهي مية عاديه
• كاشيك كبير من النشآ

الطريقة:
ذوبي النشآ ف الميه العاديه والورد كآنك بديري مهلبيه بعدين تغليه فوق النار تخليه دقيقه واحده لين تحسيه يجمد ويخثر معاك وحركي كويس بعدين طفي عليه وحطيه ف ثلاجه يبرد بعدين ديري القناع ع وجهك مدة 30 دقيقه واغسليه بالميه الفاتره وبعدين مصقعه،،

ـ مدة العلاج استمري عليه لين تشوفي تحسن ف بشرتك تحسن رهيب؛؛

ـ الماسك التاني:-
وحتي هو مجربينها بنات نعرفهم سئلتهم قالولي فيها مفعول كويس وهو ك الاتي:-
المكونات :

• خميرة البيره الي هي امتاع الخبزه+مية ورد
  

الطريقة:
المقادير حسب احتياج وجهك بعدين خلطي المكونات مع بعض خليه 30 دقيقه ع وجهك وبعدين اغسلي وجهك استمري ع القناع هذا ح تبان عليكم النتيجه من تاني اسبوع لان الخميره هي فطر طبيعي وممتازه ف تصفية البشره وعلاجها من التصبغات..

وبس حبيباتي اتمني الافاده للجميع دومتم بود اوووهبكم امووواه..