صباحكم معطر بذكر الرحمان بنوتاتي ومداماتي المزموزات
زي ما وعدتكم اني اول ما ناخد الكركم ونستعمله ك ماسك ح نزلكم بوست عليه وتجربتي معاه تقريباً لتاني مره؛؛
- حبيباتي الي ف صورة البوست تقشير للوجه مع قناع الكركم بتقشير الوجه وماسك ممممممممتاز جداً جداً بس نبي انفهمكم حاجه انه الكركم الي استعملته صافي100% مخدوم ف البيت يعني مش خدمه مصنعيه زي امتاع الاكل لان مخلط وفيه صبغه يصبغ فيك بس هذا مستحيل مستحيل يصبغ ف بشرتك الي يكون صافي بدون اضافات اول ما تغسليه ع طول يتحول اللون وهذا الي صار معاي ومع آمي وبنت خالتي درناه مع بعض وبشرات مختلفه انا عاديه وماما جافه وبنت خالتي دهنيه هههههه امدايرتهم حقل تجارب ف سبيلكم بس امشي معاهم ميه ميه وبصراحه اعطنا نظاره رهيبه بصدق؛؛
- اول حاجه درنا تقشير هو عباره عن كاشيك صغير من قهوه عربيه وسكر وجوز هند مبشور هادي اضافه من عندي لو مش متوفر مس لازم مع كاشيك صغير زيت زيتون وشويه مية ورد يعني الخليط يكون سائل شويه بيش ينفرد معاك وتقدري اديري صنفره بيه طبعاً تغسلي وجهك يكون نظيف اغسليه بمية دافيه بيش تفتحي المسام وتتغلل الصنفره داخل المسام بعدين ع وجه مببلول تاخدي بإيديك وتقعدي تفردي ع كامل وجهك وتبدي تحركي ايدك الزوز بشويه بحركه دائريه تقشري وجهك خليه 5دقايق واغسلي وجهك بميه دافيه لان مازال بعده بتحطي القناع؛؛
- اما القناع عباره عن كاشيك صغير زي الصوره من الكركم وحليب البودره اي نوع متوفر ف حالة غير متوفر ديري بدله نشآ او حمص مرحي او ارز مرحي اختاري الي يكون متوفر وشوية مية ورد يعني يكون الخليط وسط زي الصوره تدهني وجهك وحتي تحت العيون لان ممتازات للتخفيف الهالات وادهني رقبتك ما تنسيهاش خلوه لين يجف تحسي وجهك اتشد كله بعده اغسلي بميه دافيه وبعده بالميه المصقعه بيش تصكرو المسام وخودو ثلجه مرروها ع وجهكم افضل شي بعد كل ماسك لتصكير المسام وطبعاً بعد كل تقشير او قناع ضروري تحطي مرطب يناسب نوع بشرتك؛؛
- التقشير للوجه او للجسم يستعمل فقط مره واحده ف الاسبوع ديما قشرو جسمكم و وجهكم نهاية الاسبوع افضل يا خميس يا جمعه؛؛
- اما القناع عن نفسي ح نستعمله مره واحده ف الاسبوع لان بشرتي صافيه بس تحتاج لتوهج خاصةً ف الجو هذا تذبل البشره انا ح نستمر ع قناع الكركم الفتره هادي كل مره بطريقه مره مع ارز مرحي مره مع نشآ مره مع بودرة جونسون للاطفال لان بشرتي عاديه يناسبني كل شي ؛؛
ـ بس الي بشرتهم تعبانه جداً ويبو تفتيح سريع خاصةً الي بيتزجو الفتره هادي يستعملوه يومياً للوجه وهذا كلام من دكاترة جلديه انه الكركم اقوي مبيض للبشره بدون اثار جانبيه لان اساساً علاج بالكركم موجود منذو الازل وف علاج طب النبوي الشريف؛؛ - شفت دكتورة تجميل جلديه ألاءالعريف تتكلم ع الكركم قالت ف مؤتمر Face 2015 اتكلموا ع مبيضات والي يفتح البشره فعلاً هو الكركم اي انه دراسة وضحت تآثير الكركم موضيعاً ع البشره مرتين ف اليوم لمدة شهر يساوي تآثير كريم “هايدروكوينون4%” اتخيلو دكتوراتي الي ف القروب عارفين معني اسم الكريم وتآثير ف التفتيح وللمعالجة حب الشباب يعني الكركم من اقوي المبيضاات البشره وانه طبيعي ماعنده اي اثار جانبيه غير كريمات التبيض ليهم اثار جانبيه ع البشره ؛؛
- يعني بالمختصر الكركم خيااااااال لتفتيح لون البشره وتصفيتها بكلام مؤكد علمي وبعد دراسة دكاترة جلديه مختصه زي ماقلت للعرايس الي يبو حاجه سريعه للتفتيح ومعالجة البشره وعرسها قريب تستعمل الكركم هو الحل الامثل ليك ونتيجه سريعه يعني شدوها ع الكركم ديروه يومياً كا ماسك حتي مره واحده ف اليوم مش لازم مرتين نعرف ماعندكم وقت حتي مره واحده لمدة 20/30دقيقه يجف ع وجهك اغسليه وبعدها صكري المسام بثلجه وحطي كريم مرطب امتاعك وتقدري تستعمليه بعدة طرق واسهلهم مع الزبادي الطبيعي مممممتاز جداً جداً جداً يعني تاخدو علبة زبادي طبيعي بدون نكهه وتصفو الزبادي بشاش تعصرو الميه امتاعه تحسيه يولي زي الكريمه حطيه ف صونيه وخلطي معاه كاشيك صغير كركم وادهني وجهك و رقبتك؛؛
- قناع الكركم ما تحيروش فيه يجي بعدة طرق مفيده وينضاف لكدا مكون طبيعي ليه تآثير حلو ع البشره والناس الي بشرتها ما تتحسس من العسل تقدر ادير قناع الكركم بالعسل الطبيعي خاصةً تحت العين ابدااااع يفتح الهالات ويشد التجاعيد؛؛
- بالنسبه للبشره الحساسه تجرب قبل ما تبدآ لان طبيعية البشره الحساسه صعبه شوي؛؛
وبس حبيباتي قلت خلي انزله ف الوقت هذا باش كان ماعندك مكونات تبعتي اي حد للسوق تشحوريه ههههه اتمني الافاده للجميع اووووهبكم هلبا هلبات اموووواه
