عزيزات قلبي جبتلكم سكراب او تقشير للبشره بمواد متوفره طبيعيه والاشهر ع مساعدة ترطيب وتوحيد لون البشره وتخفف من علامات تمدد الجلد الي هما الاسترتش مارك؛؛
ـ مكوناتها ساهله جداً زي ماشايفين ف الصوره المقادير تقريباً كاشيك صغير من كل حاجه يكفي؛؛
- كاشيك قهوه العربيه والقهوه فوائدها هلبا لان فيها مادة الكافيين تشد الجسم وتعطيه نشاط وحيويه؛؛
- كاشيك نسكافيه ومعروف النسكافيه يفتح لون البشره ويعطيها نعومه واشراقه للبشره لان فيها مواد مرطبه ومضاده للآكسده، وع فكره تقدرو اديرو نسكافيه ف مكعبات ثلج وتمرروها ع وجهكم كل صبح روووعه للوجه يعطيه اشراقه رهيبه؛؛
- كاشيك زيت زيتون وطبعاً غني ع تعريف فوائد زيت الزيتون معروف يقلل من علامات تمدد الجلد حتي لو بتدهنو بيه بروحه جسمكم ف لليل يكون دافي شويه وادهني علامات التفزر صدقوني مع الاستمرار ح يلتحم الجلد وتختفي التفزرات لان غني بفيتامين e ويشد الجسم لإحتوائه ع مادة السليكون وتزيد ف مرونة الجسم؛؛
- كاشيك زيت لوز مر او حلو عادي حتي هو يحتوي ع فيتامين e ويشد الجسم ولو مش متوفر مش لازم يعني زيت مخير اهم شي زيت الزيتون يكفي؛؛
- سكر ابيض ومعروف ف تنعيم وازالة القشره الميته بس حتي هو مخير تبو اديرو عادي ماتبوش براحتكم؛؛
- طريقة الاستعمال: خلطوهم مع بعض وف الدوش بعد ماتغسلي شعرك تقيميه فوق وتجيبي الخلطه تاخدي بشويه ب ايدك وتبدي ب الشويه كل مره مكان ف جسمك تفركي ب حركه دائريه خليه 5/10دقايق ك ماسك للجسم وبعدها دوشي واغسلي ب شامبو الجسم امتاعك وتطلعي من الدوش امسحي جسمك ورطبي ب اي كريم مرطب عندك لان بعد اي تقشير ضروري ترطيب يستعمل مره ف الاسبوع تكفي؛؛ويستخدم حتي للوجه ممتاز ك مقشر طبيعي؛؛
وبس حبيبات قلبي دومتم بود دائماً اوووهبكم امووواه
