أسباب الهالات وعلاجها

عضواتي الجميلات اليوم بنحكي ع موضوع مهم جداً وهو كابوس حقيقي الهالات تحت العين وانتفاخات اسبابه وعلاجه مش توضح الرؤيه عند الكل؛؛؛؛

284

  • اول شي نبي انفهكم عضواتي الطرفونات ان هالات الي تحت العين مش كلها سببها ارهاق هذا علاش ف علاجات ما تمشيش معاك لان هالاتك مش سببه ارهاق ولا ح يمشي معاه علاج ك كريم خارجي او وصفه طبيعيه مستحيل لان المشكله عندك ف داخل جسمك هي الي مسببتلك هالات ف ضروري تعرفو كويس الفرق مابين هالات الارق والارهاق ومابين هالات لمشاكل عضويه ف الجسم وح نقول اسباب الهالات داخل الجسم هي:
  1. العامل الوارثي: بمعني لو عندك وراثه ف العيله يعانو من المشكله هادي وانتي اكتسبتيها منهم ف مستحيل يخف بكريمات او وصفات علاجيه طبيعيه لان منطقة الجفون الجلد الي فيها ناعم ورقيق وشبه شفاف ف الاورده الدمويه وماتحمله من دم غير مؤكسد لونه ازرق وتكون واضحه ب العين المجرده تعطي ايحاء ب هالات مائله للازرق والعين الغائره يعني الي خاشه داخل تعطي ايحاء ب اسوداد الجفون؛؛
  2. الحساسيه المزمنه والربو والرمد المزمن الي يجي ف العيون الي يخليك تحكي عينك بشكل رهيب ف سبب ف سواد الجفون؛؛
  3. فقر الدم بجميع أنواعه؛؛
  4. أمراض الكبد المزمنه؛؛
  5. امراض المعده من ضمنها اعصاب المعده والقالون؛؛
  6. الإرهاق وقلة النوم طبعاً عامل مهم ف حدوث الهالات ومشاءالله احنا ما نسهروش بكل حشانا ياكبدي؛؛
  7. التقدم ب السن؛؛
  • حبيباتي هادم اسباب صعب تتحول الهالات بكريمات علاجيه او وصفات طبيعيه مستحيل ضروري علاج داخل الجسم بس الي يكون من الارهاق وقلة النوم هادي تنوض ترقد بكري خيرلها من السهور الزايد ايوا ارقدو يا ناس السهر يآثر ع تعب البشره ولا من الي تنصح فيكم تخيلو انا هههههه الي مانرقد الا 4 ساعات ف اليوم كان كثر هههههه بس ماتعدلو عليا انا انتم ارقدو وخليكم من السهور وكثرو شرب الميه الميه الميه مهمه جداً ف صفاء ونظارة البشره؛؛
  • كريمات العلاجيه الي ممتازه ف مفعولها للهالات الي من الارق والارهاق والسهور هي افضل ماركات ممتازه وتجيب نتيجه ب الاستمرار هي:-
    (كلارنس- كلينك- فيشي- استي لودر- ديور- لاروشيه بوسي – نوكس) الماركات هادي مشكوره جداً جداً ف معالجة هالات الارق والارهاق؛؛

وبس اتمني استفدتو ب المعلومه هادي دومتم بود اووووهبكم امووواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!