مساءالخيرات والليرات بنوتاتي ومداماتي الحلوات العسولات
حبيبات قلبي جبتلكم قناع 2 ف 1 يعني قناع للوجه وقناع للصدر بمكونات بسيطه ومتوفره ف كل بيت شفت الطريقه هادي عند كدا دكتورة اعشاب وميكب ارتست يشكرو فيها انها ممتازه منهم ميكب ارتست هدي قطان ح نحطلكم لينك الفيديو لافادتكم اكثر؛؛
- المكونات بسيطه جداً هي موزه+دحيه فقط لاغير مافيش اسهل من هكي مكونات؛؛
- الطريقه هي تاخدي موزه كامله وتهرسيها بالشوكه مع دحيه كامله الابيض والاصفر يعني يشد الوجه وترطيبه ف نفس الوقت طبعاً فوائد الموز ف محاربة التجاعيد والحبوب والدحي ممتاز جداً لشد البشره وتضيق المسام مممتاز؛؛
ـ طبعاً لو بديرها ع وجهك تغسليه بميه دافيه بيش تفتحي المسام وتحطي الماسك ع وجهك لمدة نص ساعه واغسليه بعدين بميه دافيه بعدين مصقعه ومرري ثلجه لتصكير المسام تستعملي القناع الي بشرتهم تعبانه وفيها تجاعيد هلبا 3مرات ف الاسبوع اما يستعمل يوم بعد يوم الناس الي بشرتها مش مستحقه تستخدمه مره ف الاسبوع كويس،،
ـ لو بديري القناع لشد الصدر تلبسي ستيان قبل بس يكون ما تسعمليش فيه او تلبسي فيه ديما يعني خليه للقناع ف بعد ما تلبسي ستيانك تحطي القناع ع صدرك وتدلكي بحركه دائريه مساج لصدر خلي القناع من 40دقيقه لساعه كامله قبل الدوش واستعمليها 3مرات ف الاسبوع يوم بعد يوم،،
- اضافتي انا للماسك خديت نص موزه للقناع والنص التاني كليته هههههه درته بدون دحيه بس ضفتله مية ورد و حطيته ع وجهي ل 15دقيقه تقريباً وجهي كله نشد وتشحط بجد الموز ممتاز للبشره حتي بعد ما تاكلي موزه القشره ما تلوحيهاش ادعكي بيها وجهك 20دقيقه واغسلي مممتاز جداً للحبوب والتجاعيد ننصحكم بيه؛؛
- وع فكره الوصفه هادي تقدرو اديروها حتي لشعركم ضيفولها زيت زيتون وادهنو بيها شعركم ك ماسك اسبوعي مممممتاز جداً لعلاج تقصف الشعر وترطيبه ويعطيه لمعه خرافيه يعني بروتين طبيعي ممتاز لشعركم طبعاً ساعتين قبل الدوش مرتين ف الاسبوع؛؛
- ع فكره بتقولو ريحة الدحي اااععع بنقوللكم بمجرد انه تغسليه ح تتحول الريحه ع طول انا مجرباته وتحول اول ما غسلته عادي؛؛
ـ هذا لينك الفيديو تستفيدو اكثر
وبس اتمني الافاده للجميع اوووووهبكم كلكم امموووو
