مسائكم مبروك وعدوكم مهلوك بنوتاتي ومدامات الحلوات
فلذات تشبدي بوست خفيف ع كريم ترطيب نهاريه للبشره الدهنيه وللبشره الجافه وسعرها رخيص مناسب للجميع؛؛

• حبيباتي الكريمات الي ف الصوره هادي مناسبه جداً للاستخدام النهاري وحلوه وتنفعكم خاصةً في الجو السخون والي ماتحبش المكياج تناسبها لانها مرطب بدون لون شفاف و تناسب الي يشتغلوا ف النهار او الي يقرو يعني تحمي وترطبي وجهك وف نفس الوقت ما تبانش ابداً؛؛

1. مرطب كلين كلير اويل فري خالي من الزيوت تماماًت مناسب للبشره الدهنيه والمختلطه مستحيل تخلي وجهك مزيت ف حالة بتدهني بيها بروحها عادي ف حالة بديري عليها مكياج مافيش مشكله ومناسبه جداً الي بشرتهم ع طول مزيته ومدهنه لان تتحكم ف لمعان البشره وافرازات الزيوت؛؛
2. مرطب جونسون النهاري ركزو قلت النهاري يعني حمايته ثلاثيه من الشمس مش زي مرطب جونسون العادي لا زي الي ف الصوره ضروري يكون مكتوب عليه داي كريم يعني كريم نهاري يحمي البشره ونقدرو نستعملوه ف النهار مناسب جداً للبشره الجافه والعاديه ترطيبه عالي في حالة بتدهنو بيه بروحه عادي ف حالة بتحطو مكياج فوقه مافيش مشكله وممتاز انا كل ما يكمل مني نشري منه تاني؛؛
   

• الي بشرتها عاديه زيني انا تقدر تستعمل النوعين عادي وح يمشو معاها انا مره نستعمل هذا ومره هذا ومرات نخلط من الزوز ع حسب جو بشرتي لانها عاديه؛؛
• بالنسبه لاسعارهم تقريباً تقريباً الواحد ما يفوت 5/6 دينار ليبي واكيد متوفر ف كل الصيدليات مش حاجه صعبه ولا غريبه؛؛
• ميزة كريم النهاري ع الواقي انه ما يحتاج تكرري تدهني وجهك مره تانيه لتجديد الحمايه لا عادي لان كريم نهاري هذا علاش نحب نستعمل مرطب نهاري او بي بي كريم انفضلها ع الواقي لان ف واقيات مدة حمايتهم ساعتين وضروري تكرري دهن وجهك ولا بتقلب معاك بنتيجه عكسيه ويسمر البشره ؛؛
  
• بس في حالة تبو واقي ممتاز ننصحكم بفيشي او كلارنس او كلينيك ممممتازات جدا؛؛
  

وبس اتمني بوست خفيف ومفيد للجميع دومتم بود اووووهبكم بنوته بنوته ومدومه ومدومه اموووواه