كريم فيشي للتحكم بلمعان البشره

مسائكم طيب بنوتاتي ومداماتي الجبوبات,,
حبيباتي قلبي البوست هذا انطلب مني من معظم عضواتي في القروب بشرتهم دهنيه ومختلطه وتزيت وتعرق وايامات محلحله ف هالصيف والرطوبه جيتكم بالحل بعد تجربتي اكيد؛؛

301

  • هو الكريم الاكثر من رائع ڤيشي من الكولكشن للبشره الدهنيه هي نورماديرم المجموعه هادي كلها خاصة بالبشره الدهنيه سواء غسول او منظف او كريم ترطيب الي ف الصوره تقدرو اتقولو عليه كريم معالج مرطب ويستخدم ك بيز تحت للمكياج او بروحه.
  • هو كريم مرطب للعنايه اليوميه للوجه يعالج للمعان والمسامات ف البشره الدهنيه بس أنا للامانه نقدر نآكد نقطه واحده فعلاً صحيحه يتحكم بلمعان وزيوت البشره يعني تحطيه ع وجهك من هنا يجف ويتحكم بالزيوت وللمعان ما يخليش الوجه يزيت ف هالرطوبه والجو السخون بس بالنسبه للمسام مانقدرش نآكد عليه لان بشرتي مافيهاش مسام ولا حبوب ولا بقع بس ممكن يفيد غيري الي عندهم مسام ف بشرتهم؛؛
  • هو كريم ترطيب نهاري للعنايه اليوميه ننصحكم بيه يا بنات ع ضمانتي الشخصيه وح يعجبكم خاصةً لان عندي منطقة tزون الي هي الانف والجبه اتزيت شوي ف الصيف مع الجو السخون ولكن مع الكريم هذا قعدت بيه اكثر من 6 ساعات ما زيت بتاتاً بالعكس تحكم ف افراز الزيوت للبشره؛؛
  • هو قوامه زي سائل خفيف اول ما تدهني وجهك يجف وتقدري تدهني بيه ك ترطيب وحمايه لبشرتك وتحطي فوقه الواقي امتاعك عادي مش لازم مكياج،،
  • وتقدري تدهني بيه ك كريم مرطب او بيز قبل المكياج باش بشرتك ما تزيت وع فكره تقدرو تستخدمو ف لليل لو عندكم مناسبه وبديرو مكياج تدهنو بيه ك متحكم ل لمعان البشره وتزيتها بسرعه ويثبت المكياج اكثر لان ضد التعرق وفي نفس الوقت يفيد بشرتك لان كريم علاجي وافضل من البيز والبرايمر لان البيز او البرايمر لو تستخدموهم بشكل يومي يصكر المسام ويطلعلكم حبوب بينما الكريم هذا ممتاز علاجي ومرطب ومتحكم ف لمعان البشره؛؛
  • للبشره العاديه والجافه ننصحكم بمرطب ڤيشي اكوا اساسه مائي ترطيبه رهيب وح نزلكم ريفيو عليه،،
    سعره ف حدود 35/40 دينار ليبي؛؛
  • منتجات فيشي متوفرة في الصيدليات التالية:
    ـ المنشيه
    ـ العالمين
    ـ التوافق
    ـ النوفلين المركزيه
    ـ قرقارش المركزيه
    ـ الفا فارمسي
    ـ ون فارمسي
    ـ ميزران المركزيه
    ـ الشريف
    ـ الحرمين
    ـ صيدليه الشعب
    ـ صيدليه سبأ
    ـ ديرما لايف كلينك
    ـ صيدليه سان جيمس
    ـ صيدليه امازون
    ـ صيدليه زهراء زاويه الدهماني
    ـ صبدليه عراده المركزيه

وبس حبيبات قلبي يارب يكون بوست مفيد خاصةً ف هالجو يالطيف الطف بينا وك العاده اووووهبكم امواااه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!