مسائكم ورد بنوتاتي ومداماتي الحلوات؛؛

• البوست هذا بيكون مخصص بعناية البشره ف النهار لما نطلعو من البيت ونتعرضو لاشعة الشمس وكل منتج ح نشرحه عليه من خلال تجربتي معاه وطبعاً حبيباتي مش شرط تاخدي نفس الماركات وهو امر مخير اهم شي نتعلمو الطريقه الصحيحه للعنايه ب بشرتنا؛؛

1. البخاخ الي ف الصوره هو متاع شعر ولكن انا غسلاته كويس وحاطه فيه مية الورد وع طول ف باب الثلاجه انا مية الورد لاتفارق خيالي ابداً ابداً وهي سر جمال بشرتي استخدامي لمية الورد انا ف لليل ندهن بمرطب لوجهي لما نوض الصبح نبخ وجهي بمية الورد ونمسحه بقطنه ونغسل وجهي بخلطتي امتاع الدوف ومية الورد عادي؛؛
2. بخاخ إشراقة الوجه من مجموعة فيتامين سي من ماركة بدي شوب ليه عدة استعمالات ك مثبت للميك آب ويعطي لمعة للوجه سواء قبل أو بعد المكياج ويعطي شعور بالانتعاش ومن فوائد فيتامين c يزيد من انتاج الكولاجين بالبشرة يعبئ الخطوط الرفيعة مضاد للأكسدة يقلل من تلف البشره يضئ البشرة يوحد اللون غير المتجانس واستعمالي ليه انا انبخ فيه قبل الكريم النهاري وفعلاً ينعش الوجه بشكل رهيب وح نزل ستيت مفصل ع مجموعه الكامله امتاعي من بدي شوب فيتامين سي؛؛
3. سيروم+كريم نهاري ماركة بوندس بذرات الذهب رهيب يا بنات رهيب السيروم والكريم طبعاً انا من نوعيه مانحط ف مكياج ع وجهي ف الصبح مستحيل بس نحب لمعة واشرقة الوجه الصحي بدون مكياج وهذا يعطي ف لمعه خرافيه للوجه وطبعاً فيه فوائد لاتعد ولاتحصي وانا منزله ستيت بروحه شرحت ع فوائده ب التفصيل نستخدم ف السيروم وبعده الكريم النهاري؛؛
4. كريمة غارنيه بي بي درجتها لايت يعني افتح حاجه طبعاً ع لون بشرتي وشرحت ع فوائد البي بي ف بوست سابق منها حماية الشمس وتوحيد للون البشره وغيره فيها تقريباً 5فوائد ولونها لايت خفيفه جداً تنفع للصبح وللطلعات النهار يعني كآنك مش حاطه شي لوجهك حلوة ف حطتها ( والنوع الي ف الصوره قصيره السمونيه هي للبشره العاديه والجافه اما للبشره الدهنيه تكون طويله وضعيفونه) 
5. كريم ترطيب نهاري بتآثير ثلاتي ماركة جونسون حلوه وخفيفه؛؛
6. كريم نهاري من ماركة بدي شوب بفيتامين eخياليه عضواتي الحبوبات رهيبه ع البشره نفس لمعه ع ايدي ف صوره لونها وردي تخلي الوجه لمعه وريه ويقولولها هثلي فيس يعني وجه مشرق وصحي بدون مكياج فضيعه والكريم هادي مكتوب عليها مناسبه لجميع انواع البشرات وطبعاً فوائد فيتامين e مضاد للأكسدة له مفعول حيوي في حماية الجلد والبشرة من الاشعة الفوق بنفسجيةوالتلوثات البيئية والمواد المخدرة ومواد أخرى تسبب تلف الخلايا؛؛

ملاحظه كل الكريماات الي ذكرتهم تقدرو تستعملوهم بدون مكياج او بمكياج عادي الامر راجعلكم وبس؛؛

دومتم بود بنوتاتي ومداماتي اووووهبكم امووواه