كريم ترطيب تحت العين [ماركة رود]

حل مشكلة تشقق الكونسيلر تحت العين

مساء الخيرات بنوتاتي ومداماتي الحلوات،،
حبيبات قلبي ريفيور ع كريم ترطيب تحت العين بسعر ممتاز،،

 

  • كريم ترطيب تحت العين م ماركة رود استخدمته كدا مره باش نقدر نقيمه م ناحية الترطيب ممتاز جداً يستخدم ك برايمر تحت العين فيه لون خفيف الغرض منه يصحح لون الهالات ويعبي الخطوط الرفيعه تحت الرموش السفليه الحلو ف البرايمر هذا انه مكوناته طبيعيه منها زيت السمسم والجوجبا وبذور الكتان وطبعا المكونات هادي ممتاز ف الترطيب العميق وعلاج الخطوط التعبيريه وشدها يعني تقدرو تقولو برايمر تجميلي وعلاجي قوامه مائي مش زيتي لان م ضمن مكوناته بذور الكتان يعني زي الجل بس ترطيبه عميق لان ف نوعيات يكون قوامه جل بس بعدين يسببلك جفاف،،
  • طريقة استخدامه اول شي تحركي العلبه كويس باش تندمج مكوناته كويس بعدين تاخدي شويه ع طرف صبعك وتحطيها تحت عينك بطريقة الطبطبه لين تندمج معاك وتمتصها بشرتك بعدين تستخدمي الكونسيلر متاعك بدون اي خوف م انه ح يتشقق او يصيرلك خطوط تحت العين لان منطقة تحت العين اكثر منطقه حساسه وطبقتها رقيقه فلهذا ضروري تهتموا بالترطيب قبل الميكب تقيمي ليه بما انه فيه جانب علاجي 9م10؛؛
  • سعره جداً مناسب (25)د.ل وصلاحيتها 18 شهر يعني سنه ونص فلهذا اكيد ننصحكم بيها وبقوة؛؛
  • متوفر عند الموزع الحصري بيوتي كوين مقابل جامعة ناصر وعندهم خدمة توصيل رابط صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم امووواااه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!